श्री रामचन्द्र कृपालु भजु मन

स्तुति

श्री रामचन्द्र कृपालु भजु मन हरण भवभय दारुणं। नव कञ्ज लोचन कञ्ज मुख कर कञ्ज पद कञ्जारुणं॥ ॥1॥

कन्दर्प अगणित अमित छवि नव नील नीरद सुन्दरं। पटपीत मानहुँ तडित रुचि शुचि नौमि जनक सुतावरं॥ ॥2॥

भजु दीनबन्धु दिनेश दानव दैत्य वंश निकन्दनं। रघुनन्द आनन्द कन्द कोशल चन्द्र दशरथ नन्दनं॥ ॥3॥

सिर मुकुट कुण्डल तिलक चारु उदारु अङ्ग विभूषणं। आजानु भुज शर चाप धर संग्राम जित खरदूषणं॥ ॥4॥

इति वदति तुलसीदास शंकर शेष मुनि मन रंजनं। मम हृदय कञ्ज निवास कुरु कामादि खलदल गंजनं॥ ॥5॥

मन जाहि राच्यो मिलहि सो वर सहज सुन्दर सांवरो। करुणा निधान सुजान शील स्नेह जानत रावरो॥ ॥6॥

एहि भांति गौरी असीस सुन सिय सहित हिय हरषित अली। तुलसी भवानिहि पूजी पुनि-पुनि मुदित मन मन्दिर चली॥ ॥7॥

सोरठा

जानी गौरी अनुकूल सिय हिय हरषु न जाइ कहि। मंजुल मंगल मूल वाम अङ्ग फरकन लगे॥